ابيك تحس

اذا حسيت وش فيني .. قبل ما اقول واشكي لك
ونظره عينك بعيني .. بها تفهم وش اخفي لك
اذا قلبك حضن جرحي .. وبدل حزني بفرحي
وصرت تحبني كلك ... وشوقي صار ياصلك
ساعتها اقول انك .. حبيبي صدق واحكي لك
اذا صارت حروف اسمي .. تغير سير نبضاتك
وصورت وجهي ورسمي .. تزورك لحظه سكاتك
وصارت اكثر سواليفك .. تسولف دايمٍ عني
هواك وعطرك وكيفك .. مهما غبت تذكرني
ساعتها اقول انك .. حبيبي صدق اوحكي لك
ابيك تحس بأحوالي .. وكل الأم حرماني
وباللي يدور في بالي .. وتعرف قسوه احزاني
ابيك اقرب لي من نفسي .. وتطوي بالأمل يأسي
تكون بهالعمر شمسي .. ويومي وباكر وامسي
ساعتها اقول انك .. حبيبي صدق واحكي لك