قمة الاخلاق والذوق الرفيع

قمة الأخلاق والذوق الرفيع ..
والشعور اللي لمس خد الخجل ..
والكلام اللي يجي مثل الربيع ..
ينكتب باحساس ارق من الغزل ..

يا هديل النظره بعين الرضيع ..
يا براءه ينضرب فيها المثل ..
يا غنى قلبي عن العالم جميع ..
يا حنان اعطاني في الدنيا امل ..

ايه انا من دون احساسك اضيع ..
ايه انا وردي اذا غبتي ذبل ..
ايه انا اللي بس لعيونك ابيع ..
عمري اللي فات وارجع لك طفل ..

آمري قلبي غصب عنه يطيع ..
وادخلي بعروقه وامشي بمهل ..
ياغلا الاحساس والذوق الرفيع ..
يالكمال اللي معه بدرك كمل ..

قمت الاخلاق والذوق الرفيع ..