الفنان

كلمات هذا عيد راح وماحصل لي اعايده

هذا عيد راح وماحصلي اعايده ..
وياليتني في عيد ثاني اعايده ..
له اليوم ست شهور ماجاء ولا سأل ..
وانا عاذره مادام ماهي عوايده ..
احبه وانا ما ادري اذا الحب ينصفه ..
ابي شيِ اكثر من غلاه ووقايده ..
حبيبٍ عزل قلبي عن الناس وامسكه ..
مثل مايعزل الحر الاشقر طرايده ..
حبيبٍ خذا مني كثر ما خذا السهر ..
من عيوني اللي بأزرق الدمع جايده ..
جزاني الولي عنّه وعن غيبته جزا ..
جزا من تحمل طعنة اغلى بدايده ..
أنا ضايق وعندي معاناة واستحي ..
ولي ليل لاروح كثار شرايده ..
من العام ما دنق على عيني الكرا ..
ولا استطعمت نفسي من الزاد مايده ..
فيا عين نامي واستريحي وطنشي ..
وش العمر لو ما ان المنايا تكايده ..
الايام نعشقها ونهزا بنقصها ..
ولو نكره الايام ماهيب زايده ..
فلا حب ينفعها ولا كره ضرها ..
ولاغير شكر الله يعطيك عايده ..
ولا تمدح المعطين والمعطي الله ..
ولا تمدح طوال العمار الرعايده ..
ولا اخس من رجلٍ ليا ضاع مانشد ..
ولا اخس من رجلٍ كثارٍ نشايده ..
الاشعار تكتبها العجايز وغيرها ..
فلا فخر في نظم القصيد وفرايده ..
وانا شاعرٍ يجمع مع الشعر مرجله ..
بعاد مراميعه وساع بنايده ..
فما كل شاعر تقدر تقول محترم ..
ولا فيه شاعر يعكسنه قصايده ..
انا اول هل الكذب العفيف ومؤسسه ..
وانا ضد من يكذب على غير فايده ..
فياليتني ماصرت معروف ليتني ..
ولا صارت اخطائي كبيره وكايده ..
الاعلام يطعني بضعفي ورغبتي ..
نوب فمجلاته ونوب فجرايده ..
اذا طبت ياقلبي فطّيب مقاصدي ..
انا معك والا الناس ضد ومحايده ..
الاسباب تدفعني والأريا تردني ..
ولو ان راسي مثل ضلع الرشايده ..
من الصبر ما اخذنا سوى النوم والكسل ..
برجوى تفاريجه وراحة وسايده ..
اذا كان لابدٍ من الطعن فالظهر ..
فاليت من يطعني اشخاص نايده ..
واذا كان لابدٍ من الحكي بالقفا ..
فياليت مايحكي بي الا البلايده ..
انا صاحب الطيّب وهو مثل صاحبي ..
وهو مسندي لاضقت وانا سنايده ..
اذا جدّت الهدات واستوجب الهدد ..
ترى كل حرٍ يشبعنه صوايده ..

هذا عيد راح وماحصل لي أعايده ..
وياليتني في عيد ثاني اعايده ..

تقييم الكلمات: 
المتوسط: 3.0 (16 صوت)

كلمات هذا عيد راح وماحصلي اعايده وياليتني في عيد ثاني اعايده له اليوم ست شهور ماجاء ولا سال وانا عاذره مادام ماهي عوايده احبه وانا ما ادري اذا الحب ينصفه ابي شي اكثر من غلاه ووقايده حبيب عزل قلبي عن الناس وامسكه مثل مايعزل الحر الاشقر طرايده حبيب خذا مني كثر ما خذا السهر من عيوني اللي بازرق الدمع جايده جزاني الولي عنه وعن غيبته جزا جزا من تحمل طعنت اغلى بدايده انا ضايق وعندي معانات واستحي ولي ليل لاروح كثار شرايده من العام ما دنق على عيني الكرا ولا استطعمت نفسي من الزاد مايده فيا عين نامي واستريحي وطنشي وش العمر لو ما ان المنايا تكايده الايام نعشقها ونهزا بنقصها ولو نكره الايام ماهيب زايده فلا حب ينفعها ولا كره ضرها ولاغير شكر الله يعطيك عايده ولا تمدح المعطين والمعطي الله ولا تمدح طوال العمار الرعايده ولا اخس من رجلن ليا ضاع مانشد ولا اخس من رجلن كثار نشايده الاشعار تكتبها العجايز وغيرها فلا فخر في نظم القصيد وفرايده وانا شاعر يجمع مع الشعر مرجله بعاد مراميعه وساع بنايده فما كل شاعر تقدر تقول محترم ولا فيه شاعر يعكسنه قصايده انا اول هل الكذب العفيف وموسسه وانا ضد من يكذب على غير فايده فياليتني ماصرت معروف ليتني ولا صارت اخطايي كبيره وكايده الاعلام يطعني بضعفي ورغبتي نوب فمجلاته ونوب فجرايده اذا طبت ياقلبي فطيب مقاصدي انا معك والا الناس ضد ومحايده الاسباب تدفعني والاريا تردني ولو ان راسي مثل ضلع الرشايده من الصبر ما اخذنا سوى النوم والكسل برجوى تفاريجه وراحت وسايده اذا كان لابد من الطعن فالظهر فاليت من يطعني اشخاص نايده واذا كان لابد من الحكي بالقفا فياليت مايحكي بي الا البلايده انا صاحب الطيب وهو مثل صاحبي وهو مسندي لاضقت وانا سنايده اذا جدت الهدات واستوجب الهدد ترى كل حر يشبعنه صوايده هذا عيد راح وماحصل لي اعايده وياليتني في عيد ثاني اعايده

موقع كلمات لايقدم ملفات صوتية ولا ملفات mp3 للتحميل، فقط يقوم بعرض الكلمات مكتوبه بطريقة صحيحة وسليمة.