يا عمري الدنيا ما تسوى

يا عمري الدنيا ما تسوى ..
تنام وخاطرك زعلان ..
ولا به شي يستاهل ..
يخلي قلبك يعاني ..
طلبتك كان لي خاطر ..
تبعد عنك الاحزان ..
فديت عيونك الحلوه ..
تبسم لو على شاني ..

حبيبي صار لي مده ..
أشوفك تايه وحيران ..
وأنا والله لو شفتك ..
حزين تزود أحزاني ..
أنا أحبك ولا ودي ..
تعيش بدنيتك ندمان ..
ترى الايام محسوبه ..
وتالي هالعمر فاني ..

تصدق بسمتك والله ..
تفرح خاطري الولهان ..
يطير من الفرح قلبي ..
وأصير بعالم ثاني ..
ولامن شفتك بضيقه ..
احس اني انا الغلطان ..
أعاتب نفسي بنفسي ..
ولو ما كنت أنا الجاني ..

غلاك بداخل عروقي ..
ولا يوصل غلاك انسان ..
يمر الوقت ويثبت لك ..
غلاك ان الله احياني ..
بضحي بعمري لعيونك ..
تنام انتا وانا سهران ..
وانادي جروحك لقلبي ..
وتجي واحد ورا الثاني ..

( ياعمري الدنيا ماتسوى تنام وخاطرك زعلان )