آقوى من الغربه ترى غربة الروح لا صار قلبك كله هموم وجروح

آقوى من الغربه ترى غربة الروح ..
لا صار قلبك كله هموم وجروح ..
أعيش هايم بين الأحزان وحدي ..
ماقوى على همومي ولا أقوى على البوح ..

ولا أقوى على لوعات تالي زماني ..
وقتي من أفراح الليالي عصاني ..
كني غريق أصارع الموج ياصاح ..
ليه الزمن ياخذ ولا قد عطاني ..

تاه المسافر في خطى الدرب وحده ..
له في السهر والحزن مده ومده ..
يالله دخيلك من تصاريف الايام ..
ويالله دخيلك لا صبح الوقت ضده ..

هلّت دموع العين والقلب به ويل ..
ولا عاد بي ياسيدي في العمر حيل ..
راحت سنين العمر والهم ماراح ..
أجاذب الونات ليلٍ عقب ليل ..

أنا أطلبك يارب ترحم بحالي ..
وتعين قلبي من صروف الليالي ..
العمر لو هو طال لابد من يوم ..
راح العمر وانا احسب اللي بقالي ..