ابيك

أبيك تعدي حدودك وتكسر حاجز اعجابك

ابي اللي بيني وبينك يعدي حاجز الأعجاب

ابي تفضح لي أسرار العيون وتفتح أبوابك

أبي أسمع أحبك غير ما أقراها في أي كتاب

تجرأ يالله وش ناطر تبيني أموت باسبابك

أنا ميت غلا أصلا قبل ما أعرف الأسباب

أنا أذكر يومها جيتك وقلت بسرعه وش جابك

تفاصيل الألم قد عشتها يا الصادق الكذاب

تأكد ان لي قلب تهمه ريحه ثيابك

متي أغفي علي صدرك ولا أحسب للفراق حساب

أنا خايف علي مني وأخاف أفسر اعجابك

بأن اللي حصل له ما يعدي حاجز الأعجاب