اذا بنحكي عن الواقع

اذا بنحكي عن الواقع كثير اشياء ما تنقال ..
واذا بنسكت كثير اشياء صعبه ينسكت عنها ..
وانا لا جيت ابشكي لك من الضيقه وردات الحال ..
احس ان السوالف تختلف عن مقصدي منها ..

إذا بنحكي عن الواقع كثير أشياء ما تنقال ..

وش احكي لك عن الماضي سوى انه صار هالرجال ..
وأشر لك على نفسي واقول الله يعاونها ..
ابي ابقى الحبيب اللي تخبره صادق وما زال ..
واخاف تجرحك بعض الحقايق لو أبينها ..

تطمن ما بعد خنتك ولا حتى طرى ع البال ..
انا اللي كيف أبتطمن وأنا نفسي مخونها ..
تسويها وتسترسل وتفتح دفتر الأطلال ..
مدام ارتحت لك يا رب سكنها مساكنها ..

ثقيل الحلم واحلامي بعيده والدروب طوال ..
وانا ما ودي احكي لك الين احلامي اضمنها ..
ابي لامن حكيت احكي ولا القى شي ما ينقال ..
وابي لامن سكت أسكت ونفسي راضي عنها ..