اطلق سراح الرضى وانعم بلذاته

اطلق سراح الرضى وانعم بلذاته ..
مافي الزعل خير لاتزعل وتزعلني ..
الحب لا تشتكي وتعد غلطاته ..
اذكر جميل الغلا واقنع وكلمني ..
القلب لك بالغلا خضرنٍ مساحاته ..
ترعى النوامي وانا بالبال تشغلني ..
راعي الهوى مايدور غير مشهاته ..
اعدل معك بالمحبه وانت تظلمني ..
ماهو بقلبي معك يلعب برغباته ..
ماكنه اليوم من روحي ولا مني ..
لاتاخذ الهاجس الخايف بنياته ..
حاول تخالف شكوك النفس وافهمني ..
لو يدرك اللي يبيه الحي مافاته ..
لقيتك بحبي الأول تعللني ..
وان كان شككت في قلبي وغاياته ..
عندك قضاه الهوى والحب حاكمني