افترقنا

افترقنا وانكسر خاطر وخاطر

وانت قلبك ما رحم قلب عليل

في عيوني كم الم خافي وظاهر

والرضا في بسمه شفاتك دليل

بالسلامه روح يا غادر وغادر

وين ما حبيت ونويت الرحيل

دام قلبك صار علي النسيان قادر

القدر ما احد يرده مستحيل

كل شي في الكون له اول واخر

والوفي يحفظ من الذكري جميل

كل واحد له احاسيس ومشاعر

بس احد وافي واحد قاسي بخيل

كم وكم لأجلك تحديت المخاطر

ما هقيت انك تبدل بي بديل

ما اريدك بعد هجرانك تبادر

بالوصال وتذكر اني لك خليل

قلبي اللي كان في حبك يفاخر

ما وقف دمه من طعونك يسيل

كيف ترحم وانت لك قلب يكابر

حتي ولو دمي علي كفك يسيل

مستعد اخسر حياتي واي خاطر

بس اموت بعزتي وما احيا ذليل