الشمس نوره سطع لاجل المزايني

الشمس نوره سطع لاجل المزايني ..
لولا المزاين بالدنيا طفى سراجه ..
كلٍ به جروح ولكن شوقي يظنيني ..
ياويش اسوي بقلبٍ يصعب علاجه ..
غير اشتكي من هوى يبعد ويدنيني ..
واشكي من الليل الى منه غطى داجه ..
باقعد على درب خلي وانتظر حيني ..
حتى يحين القدر والدنيا غناجه ..
وأوصي من هو يحفر القبر ويذْريني ..
يكتب على النصب مات وله بكم حاجه ..
يا قمرى نورك يذكريني ويبكيني ..
ويا شمس قلبي على المزيون به فاجه