العام الجديد

عسي عامك سعاده وحب وتفرح بالهنا كلّه
وكل الدنيا تضحك لك وتسعد يانظير العين
عسي العام الجديد احلي ونقطف ورده وفلّه
ترافقنا السعاده والعمر يبقي لنا عمرين
اذا قالوا تحبه قلت كل العمر هو والله
انا مخلوق لعيونه وهو بعيوني الثنتين
اذا مااسمعك لحظه احس القلب متولّه
اشوف الناس بعيوني سراب وملتقاهم شين
احاول التقي بطيفك واسامح لو بدت زلّه
واسهر قلبي وعيني الي حد النهار يبين
اكلم وردتي الحمرا وهي بالنود مبتلّه
اطرشها لجل عينك وياخذها نسيم العين
ينام السعد في حظني واتشافي من العلّه
واذا صوتك وصل سمعي احس ان الزمان يزين
انا من لي في هالدنيا اعيش العمر في ظلّه
عسي العام الجديد يهل عساه يجمّع القلبين