الله اللي راد والعقده قضاها اللي عقدها

الله اللي راد والعقده قضاها اللي عقدها ..
لاعلى الدنيا سلام ولالباقي العمر زينه ..
الفضا ماكنه الأ خيمه طاحت عمدها ..
والفرح ماكنه الأ شيخ انقصت يدينه ..
والعمر قطعه زجاج انكسرت ولاطال امدها ..
والعرب في العيد بدموع اليتامى مستهينه ..
والشوارع لفها ثوب الظلام اللي هجدها ..
والبيوت اطلال من عقب المحبه والسكينه ..
والشتا والليل والبرد وسما يصرخ رعدها ..
والعيون اللي ورا الشباك مذعوره حزينه ..
طولوا بالكهف الأصحاب وبقت روحي وحدها ..
كنها في كوكب ثاني خلا من ساكنينه ..
الوداع اللي بعلم العين يعبر من رمدها ..
والوداع اللي بلا علم الفا في صدري غبينه ..
والوداع اللي بلا رجعه علي امر وادها ..
والله انه غرغرت سم وسكاكين سنينه ..
والعنود اللي جفيت الناس والدنيا بعدها ..
مدت الفرقا لغاليها وهي تعطي الثمينه ..
وينها كيف تركتني ليه ماجت في وعدها ..
والقمر لا طل وخابرها تجي بيني وبينه ..
   ..
رحت انادي واتلمس في مهب الريح يدها ..
كني حصان بلا صاحب طوى البيدا حنينه ..
رحت اصيح الصبح وينه والعرب مارد احدها ..
ماسمعت الأ صدى صوتي يقول الصبح وينه ..
كلهم من يوم ذيك الشمس غابت عن بلدها ..
طلعوني بالنفود وصكوا ابواب المدينه ..
كلهم من يوم ذيك الذاهبه محد وجدها ..
كل رجال من الشرهه قلع في الدرب عينه ..
اثرها ماتت وماتت كل فرحه في مهدها ..
والربيع اقفت به اللي كانت التاج لجبينه ..
جاورت عقب الحدايق حفره ماقسى لحدها ..
حفره ماني مصدق كيف ضمت ياسمينه ..
للحزن فيني مثل ماللطهاره في جسدها ..
ويش اسوي لافتشت اللي لها وسط الخزينه ..
زخرفت حلم وبنت له مسكن وسمت ولدها ..
اه لو غرت ولدها في خميله والدينه ..
عاهدتني وقفرت بيمين اقوى من عهدها ..
والصبي لاخير فيه ان كان مانفذ يمينه ..
ماتثقا عن رثاها عرق اقتض بشهدها ..
ولا تبقى خلف قضبان الجفن عذرى سجينه ..
كيف عند العالم ايام العزى ماحصى عددها ..
ولا انا طالت شبوره والله اعلم كم سنينه ..
لا الثرى فيها نبات ولا المشيخ اخفف نكدها ..
لا السما فيها طيور ولا البحر يمه سفينه ..
لا القمر هذا مساه ولا الأسي هذا ارغدها ..
لا الزهر هذا شذاه ولا الذهب هذا رنينه ..
قالوا الشيخ الفلاني مرجع القوم وسندها ..
قال لي ابشر بالعوض والعلم جيناه ناقلينه ..
ساق لك بدر البدور اللي نشدها من نشدها ..
جادر هزت عروش وخيبت روس ذهينه ..
قسمها في رسمها في جسمها الأ في رشدها ..
واسمها ان جا للغضب قومه على الألسن رطينه ..
اترك الناي وعطيه شيخنا غنى لسعدها ..
وانبسط ياعم وانسى اللي ورا التربه دفينه ..
قلت ولصدري تناهيد تروع من شهدها ..
اه واويلاه من يجلب على قلبي ظنينه ..
خلوا اغلى ذاهبه ترعى ربيع اللي فقدها ..
والعطا راعيه محد صوبه الله لايهينه ..
لو ضمنت الجنه تفاحه القلب وشهدها ..
قلت من بكره عسى مجنونها تاقف سنينه