انا قلبي الشقي ضيع دليله وانا من بعدك بـ عمري غديت

انا قلبي الشقي ضيع دليله وانا من بعدك بـ عمري غديت ..
لهيب الفرقا في جوفي نزيله تزيد بنارها يومك سليت ..
حلوم الليل ما صارت طويله تمر بـ لحضه لامني غفيت ..
هوى خلي وما ادور بديله ولا انهي قصته دامي بديت ..
همومٍ شلتها بنفسي ثقيله حزن وهموم من حبك جنيت ..
رضيت بما قسم ربي وبشيله وانا من حسرتي لله شكيت ..
رجيتك شوفتك بأيه وسيله وترى عمري الثمن كانك بغيت ..
انا قلبي الشقي ضيع دليله وانا من بعدك بـ عمري غديت