يحن خفاقي لا شفت البواخر ..
تعدت الشاطي وغابت في الأمواج ..
تبحث على لولو طبيعي وفاخر ..
يزهي نحر من هو يحب التغناج ..
والعود الازرق لا احترق في المباخر ..
ما يشبه الا ريحه العذب لا فاج ..
واليوم ينظر لي بمنظور ساخر ..
كنه يريد يسبب لقلبي احراج ..
ياللي بدا وصلك معاي يتباخر ..
لا ترتجي من صاحبك ضحكة حجاج ..
سوس الهجر في عظم الاشواق ناخر ..
والحزن في روض المحبين دواج ..
من التغطرس والكبر والتفاخر ..
ما جبت لجروحي من فراقك علاج ..
على كثر ما كنت يا زين ذاخر ..
في مملكة قلبي لك العرش والتاج ..
من قلب بالشيمه وبالعزم زاخر ..
اقفيت وانا عالي مثل الابراج ..
والله لو انك اول انسان واخر ..
انسان ماحتاجك ولو كنت محتاج ..
يحن خفاقي لاشفت البواخر ..
تعدت الشاطئ وغابت في الامواج ..
تبحث على لؤلؤ طبيعي وفاخر ..
يزهي نحر من هو يحب التغناج ..
يحن خفاقي لو شفت البواخر ..
تعدت الشاطئ وغابت في الامواج ..
توزيع: زيد عادل
مكساج: م.جاسم محمد