(ابراهيم الحكمي) ..
برفع قضيه علي الدنيا ومافيها واول قضيه برفعها علي حالي ..
وبشعل النار في نفسي واطفيها خلاص مليت والله تعبت احوالي ..
(ساندرا) ..
انا متأكده انك ماتسويها انا متأكده منك ياهوا بالي ..
نارك حبيبي اعرف شلون اطفيها واعرف انا شلون تهدا يابعد حالي ..
(ابراهيم الحكمي) ..
يا فارع الطول لا يمكن اعديها الزله اللي تجي من الصاحب الغالي ..
مليت ها الناس اجاملها واداريها كله علي حساب نفسي زاد غربالي ..
(ساندرا) ..
تثور دايم علي الدنيا و مافيها وبعد دقيقه واقل شوي تصفالي ..
العاده هذي ياليتك تخليها تظلم وتغلط وترجع تعتذر تالي ..
(ابراهيم الحكمي) ..
خلاص ماني مكحلها ابعميها بحوسها واقبل الأول علي التالي ..
لاتقول مقدر اسويها اسويها تدري وانا ادري اسوي علي بالي ..
(ساندرا) ..
انا اترجاك كحلها لا تعميها لاتثور وتحرق اعصابك علي الخالي ..
سوالف الليل نهار الحب يمحيها باكر تجيني ويهدا موجك العالي
كلمات علي المساعد، مبارك الحديبي