تذكار عيشي على التذكار وان كان يحصل لك تناسيها

تذكار عيشي على التذكار ..
وان كان يحصل لك تناسيها ..
بفراق تالي انتهت الاخبار ..
عشره حياتي اليوم ماضيها ..
لا تحسبي سرك من الاسرار ..
اللي على الجنسين تفشيها ..
منك الخطايا انتهت باعذار ..
وعيونك النكران معميها ..
قلبك من احداث الفشل محتار ..
تستخسري خطوه مشيتيها ..
ما يهتني منهو غريب الدار ..
مثلك غريبه وسط اهاليها ..
وانا اللي فيني من الجروح كثار ..
لا انتي ولا غيرك يداويها ..
الله حسيبك كيف قلبك صار ..
باع المحبه واشترى فيها ..
صرنا على هذي السوايا كبار ..
قبلك عذارى ما مشوا فيها ..
هل هي عطش هل هي تسالي صغار ..
هذي السوايا من يسويها