تعطيني الود ولا تاخذه مني يبلغك قلبي المقفي تحياته

تعطيني الود ولا تاخذه مني ..
يبلغك قلبي المقفي تحياته ..
اليوم يا صاحبي رد الخبر عني ..
ما يرخص الغالي إلا كثر غلطاته ..
جارت علي الليالي واحبطت ظني ..
والحب ما عوض الرجال ما فاته ..
ادعي شفوق تجي برضاك ما جني ..
شاحت على الغالي اللي شفت زلاته ..
حمامه الحب فوق النايفه ظني ..
في واد تطرب الاسماع جراته ..
قصايدي يوم مات الحب ينعني ..
في مقبل الوقت يالغالي سلاماته ..
ياللي برمح الغلا تسطي وتطعني ..
وانا معك خافقي محبوس غاياته ..
تبي الحقيقه عظيم الشوق موهني ..
اليوم ساوى حسان الحب سياته ..
اببتعد عنك قدر اليوم ممكني ..
ماهو بعيبن يعاف القلب مشهاته ..
بغيت عنك العزاء مره وردني ..
مشاعر نصرها يلفح براياته ..
العام والا يجن اليوم ينهني ..
عن حبك اللي جروحي من نهاياته ..
لك ذكريات جميله يوم مرني ..
ما وسعت خاطر بإسعاد مرضاته ..
واليوم لولا الموده ما ضحك سني ..
ما شن قلبي على فرقاك غاراته ..
نوازع الطيف ما جني وازارني ..
في وحدتي تهدي الخافق مسراته ..
هذا وانا خافقي للحب ما حني ..
قلب بعد به مكان حبي هيهاته ..