ثلاث تتجر بها ماهي مخسرتك

ثلاث تتجر بها ماهي مخسرتك ..
تجارة ما تخيب ظن تاجرها ...
نباك واسمك ورجوى الله مغفرتك ..
نصر من الله كان الله سخرها ..
لا ترضي عداك وتكسب من تحاقرتك ..
ولا تزعل اقرب بني عمك وتخسرها ..
ان ماحقرت العرب ماهيب حاقرتك ..
ولايمكن تعز شانك وانت حاقرها ..
واقدم على الطيب ما رجلك معثرتك ..
واتعب على رفقة الطيب ودورها ..
ولا تذخر بوقفتك والناس ذاخرتك ..
ان كان فيها مغز ابره لا تذخرها ..
ترا ثياب الردا ماهيب ساترتك ..
ونقد الرياجيل يوجع وانت خابرها ..
لو تطلب الناس منك فوق مقدرتك ..
اما تحزم لها ولاّ تعذرها ..
ولا تعتذر من رخا ماهيب عاذرتك ..
ولا تقول ما اقدر عليها وانت قادرها ..
ولاتتبع ابليس وشور ابليس مقبرتك ..
وتموت الانفس قبل تصحى ضمايرها ..
حاول في دنياك تعمل شي لأخرتك ..
ما عقب طول العمار الا مقابرها..