حبيبي جيت اقدم لك هدية عيد ميلادك

حبيبي جيت اقدم لك هدية عيد ميلادك ..
وانا متأكد اني لو نسيتك مانقص قدري ..
ولكن قلت ادور اي شي يناسب اعيادك ..
تفحصت الهدايا لين ضاق بشوفها صدري ..
ابي شي يجملني معك لافاح رينادك ..
ما ابي شي امده والخجل من فوقي وحدري ..
بعضهم جاب ورد وشفت كل الورد مافادك ..
وانا اعتبر اصلا من جاب ذاك الورد مايدري ..
لأن الورد لو مازاد بين يديك مازادك ..
تركت الورد ذبلان وذكرت اللي سروا بدري * ..
هديتهم قفص وطيور قلت فعيد ميلادك ..
اسوي مثلهم واهديك طير في قفص صدري ..

حبيبي جيت أقدم لك هديه فعيد ميلادك ..
وأنا متأكد إني لو نسيتك مانقص قدري ..

* ملاحظة أصل القصيدة كانت/
تركت الورد واعجبت بثلاث جوك من بدري ..