حتى المدينه حزينه عينها تبكيك

حتى المدينه حزينه عينها تبكيك ..
ويبكيك قلبي وعيني نثرت ماها ..
يا غايب عن عيوني خاطري يغليك ..
في كل لحظه عيونك كيف بانساها ..
لو غبت ما غاب طيفك عني وطاريك ..
كانك معي في خفايا الروح واقصاها ..
الله يصونك ويهنا بشوفتك غاليك ..
وتقر عينه بشوفتك يا هنياها ..
 ..
يامن سلب مهجتي هذا العنى يرضيك ..
غيبتك عنا صعيبه ما قويناها ..
ودي اجبر كسر وجه المرايا فيك ..
واحضن همومي وبروزها بمراياها ..
غاب القمر وانكسر وجه المرايا فيك ..
والحزن نثر على وجهي شضاياها ..
والليل اصبح عذاب وحسره وتشكيك ..
يرسم همومه واحاول اتحاشاها