خذ ما تبي بس اترك القلب يرتاح

خذ ما تبي بس اترك القلب يرتاح ..
لا بالموده عطيته لا بالصراحه خذيته ..
في غايتك تهوى على ملك الارواح ..
صدق الخيانه جزيته يا كم بغيري نويته ..
كافي علي اصبحت بالسد فضّاح ..
غصبٍ عليّ حكيته بكاني حظي وبكيته ..
قل لي متى ترسم على قلبي جراح ..
منك الصبر ما قويته افقدتني ما احتويته ..
املكت كلّ قلبي الوفي ومعك مفتاح ..
عقب الندم وش رايته عن حب غيرك عميته ..
من علّمك ترمي بقيعان الارماح ..
لا بالقتل نويته عمري بكفن حي طويته ..
جذعٍ لوى عطشان لو ترفعه طاح ..
تتعب معه لو ركيته ما هو بحي لو سقيته ..
لا تنتظر رجعه ولا تطري اصفاح ..
ما اقول حبك وطيته ما اقول حبك نسيته ..
ابعد عسى في دربك اليوم ترتاح ..
انت الذي اهتويته ولا بالغصيبه مشيته ..