طرف جفن عيني لمكحوله العين

طرف جفن عيني لمكحوله العين ..
عيني ايقضت فيني من الشوق ما كان ..
خيط الولع خلاني اتبعك يا زين ..
خيط جذب في خاطري حر وجدان ..
راح الفكر ينظم من الشعر بيتين ..
شاقه بنظم الشعر مرسوم الاعيان ..
شفت الحلى فيها يوصف بوصفين ..
وصف الحسن و وصف يبين لها شان ..
يا ظالمه غضي من الطرف تكفين ..
لا تودعين النفس لبيض الاكفان ..
يا ماخذه بلا عطا للبعد وين ..
توني معك شفق ما ذقت سلوان ..
الله واكبر ليتني معك وقتين ..
وقت تعيش النفس بك حلو الازمان ..
وقت نهاره ليل والعين بالعين ..
اسهر ونومي ما يعارض لي اجفان ..
اسهر بليلي والقمر وجهك الزين ..
منور حلو يكسف حياء غادي الوان ..
فيني من الوجدان والشوق حملين ..
عسى خفوقي يشمله منك الاحسان ..