لا تثير الشوق

لا تثير الشوق فيني بعد غيبه

خل ما بالقلب عن شوقك بعيد

حبنا الماضي رجيتك لا تجيبه

كيف نبدأ العمر قلي من جديد

اعترف فيني مشاعر لك عجيبه

لكن الحاضر معي اصبح عنيد

لو احاسيسك من الخاطر قريبه

والغلا في داخل احساسي اكيد

ان رجع ماضي الهوي اكبر مصيبه

وش يفيدك او انا وش استفيد

راح ماضي الحب ما حصل نصيبه

والنصيب اختار عكس اللي نريد

طيفك اللي كنت دايم التقي به

يعرف ان الحب لك دايم يزيد

لكن الأقدار واللي نبتدي به

ننتهي به ببعد وخلك بعيد