الفنان

كلمات ماني بمن ياتي ولا يدرى به شطر حفظته ما اعرف كتابه

ماني بمن ياتي ولا يدرى به ..
شطر حفظته ما اعرف كتابه ..
شطر يناسبني لمثل الليله ..
وأشوفني في ذا المكان أولى به ..
أبا أتكل بالله ونعم بالله ..
اللي ما يوصد دون خلقه بابه ..
باقول واللجنه تقيم قولي ..
ومن كثرة الشعار ماني آبه ..
الحمد لله واثقٍ من روحي ..
وإن كنت ذيب فالرجال ذيابه ..
ما أقول أنا أشعر واحدٍ في العالم ..
لكن قصيدي كفو وأنا أدرى به ..
الشعر جمعنا لو تفرقنا ..
حدودنا وظروفنا الغلابة ..
الله يبيض وجه راعي الفكرة ..
عز الله انها تنحسب لحسابه ..
والله يبيض وجه من يرعاها ..
محمد الله يحفظه لأحبابه ..
محمد ولد زايد عريب المجنى ..
ولي عهد الديرة الخلابة ..
الشعر تاريخ لنا من مبطي ..
وإعلامنا يوم السنين نهابه ..
الشعر بيت والوزن عمدانه ..
معناه طنب وقافيته حجابه ..
الشعر وادٍ فيه صيد واجد ..
وكلٍ على الوادي يهج ركابه ..
والأفكار صيد وكل شاعر قانص ..
وكلٍ يدسم شاربه مخلابه ..
أحد خياله حر وأحد وكري ..
وأحدٍ خياله كوبجٍ بقطابه ..
وأنا خيالي كل ما هديته ..
حول على الوادي وصاد عقابه ..
شاركت أمثل ديرتي وربوعي ..
وكل يمثل ديرته وأقرابه ..
والله إلى الله راد والله قاله ..
إني لا أسلمها الفخر وكتابه ..
داري قطر وأنا هنا أمثلها ..
المجد مطلوبي وأنا طلابه ..
عهدٍ علي إني لا أشرف داري ..
ترك صبي ما يعز ترابه ..
شوفوا دمي من حبها عنابي ..
وحماستي من ضوها شبابه ..
شاعر خليجي والعروبة بيتي ..
والبيت ما ياقف بدون أطنابه ..
وإن عودت بين القبايل فزعه ..
أنا أشهد إني في اللوازم لابه ..
لي في القبايل ربع وأقدرهم ..
ماني بمن يجهل مقام أصحابه ..
وإن عودت لأصلي فأنا أصلي ..
مري من صلب يام أهد القنا وخضابه ..
قومٍ لنا فوق المعالي بيرق ..
والسيف قوة سلته بنصابه ..
الشعر طوقني وأنا طوقته ..
قمت آتمشى به وأفك أبوابه ..
يا بنت ياللي تفرقين بعودج ..
ما ألومهم لو كثروا الخطابه ..
لامر بج دربج على خلق الله ..
قالوا كذا بالأصبع السبابه ..
زينج يزينه فعل أبيج وجدج ..
وإنتي بدورج للنقا كسابه ..
قومي تباهي بي وفلي راسج ..
عليج من ستر الشرف جلبابه ..
وإن ما سترتج بالفعول وباسمي ..
فعقبني الفنجال يا صبابه ..

محامي

تقييم الكلمات: 
المتوسط: 3.0 (69 صوت)

كلمات ماني بمن ياتي ولا يدرى به شطر حفظته ما اعرف كتابه شطر يناسبني لمثل الليله واشوفني في ذا المكان اولى به ابا اتكل بالله ونعم بالله اللي ما يوصد دون خلقه بابه باقول واللجنه تقيم قولي ومن كثرت الشعار ماني آبه الحمد لله واثق من روحي وان كنت ذيب فالرجال ذيابه ما اقول انا اشعر واحد فالعالم لكن قصيدي كفو وانا ادرى به الشعر جمعنا لو تفرقنا حدودنا وظروفنا الغلابت الله يبيض وجه راعي الفكرت عز الله انها تنحسب لحسابه والله يبيض وجه من يرعاها محمد الله يحفظه لاحبابه محمد ولد زايد عريب المجنى ولي عهد الديرت الخلابت الشعر تاريخ لنا من مبطي واعلامنا يوم السنين نهابه الشعر بيت والوزن عمدانه معناه طنب وقافيته حجابه الشعر واد فيه صيد واجد وكلن على الوادي يهج ركابه والافكار صيد وكل شاعر قانص وكلن يدسم شاربه مخلابه احد خياله حر واحد وكري واحد خياله كوبج بقطابه وانا خيالي كل ما هديته حول على الوادي وصاد عقابه شاركت امثل ديرتي وربوعي وكل يمثل ديرته واقرابه والله الى الله راد والله قاله اني لا اسلمها الفخر وكتابه داري قطر وانا هنا امثلها المجد مطلوبي وانا طلابه عهد علي اني لا اشرف داري ترك صبي ما يعز ترابه شوفوا دمي من حبها عنابي وحماستي من ضوها شبابه شاعر خليجي والعروبت بيتي والبيت ما ياقف بدون اطنابه وان عودت بين القبايل فزعه انا اشهد اني فاللوازم لابه لي فالقبايل ربع واقدرهم ماني بمن يجهل مقام اصحابه وان عودت لاصلي فانا اصلي مري من صلب يام اهد القنا وخضابه قوم لنا فوق المعالي بيرق والسيف قوت سلته بنصابه الشعر طوقني وانا طوقته قمت آتمشى به وافك ابوابه يا بنت ياللي تفرقين بعودج ما الومهم لو كثروا الخطابه لامر بج دربج على خلق الله قالوا كذا بالاصبع السبابه زينج يزينه فعل ابيج وجدج وانتي بدورج للنقا كسابه قومي تباهي بي وفلي راسج عليج من ستر الشرف جلبابه وان ما سترتج بالفعول وباسمي فعقبني الفنجال يا صبابه محامي

موقع كلمات لايقدم ملفات صوتية ولا ملفات mp3 للتحميل، فقط يقوم بعرض الكلمات مكتوبه بطريقة صحيحة وسليمة.