مش فارقه

مش فارقه كتير في قربك زي في غيابك
هتفرق ايه سنين وانا عايشه بعذابك
وقفت معاك وعمري ما قلبي يوم سابك
وفي الأخر ماقدرتش ولا حسيت
مسيري انسي هييجي اليوم ووقعت بس هقوم
ماهو مش انا اللي هموت من الأحزان
وماتخافش عليا هعيش انت ماتعرفنيش
كام يوم وهرجع تاني زي زمان

هزعل ليومين ما انا طول عمري زعلانه
وهندم ليه ما انا خسرانه خسرانه
ده بعد سنين بقيت دلوقت متخانه
ياريتني ما كنت من الأول انا ضحيت
مسيري انسي هييجي اليوم ووقعت بس هقوم
ماهو مش انا اللي هموت من الأحزان
وماتخافش عليا هعيش انت ماتعرفنيش
كام يوم وهرجع تاني زي زمان