هذا انت الغدير اللي غدر بالظامي العطشان

هذا انت الغدير اللي غدر بالظامي العطشان ..
وهذا انت السراب اللي خدع في تبعه أقدامي ..
أجيك من العطش حامل هجير الخافق الظميان ..
اريد تبل لي ريق الهوى .. وتردني ظامي!

ابي منك العطش حتى أموت بخاطرك ولهان ..
أبي منك الظما مهما تشوف بعينك أحلامي ..
أنا عشت العطش طفلٍ يجسّد صورة الحرمان ..
شربت من الظما حتى كبرت وكبرت آلامي ..

وهذا أنت الغدير الي غدر بالضامي العطشان ..

سقيت من العطش صوتي جروحي دمعي الهتان ..
سقيت من الظما حس القصيد الملهم أقلامي ..
عرفت أن الغيوم اليابسة تجرح الأغصان ..
تموت من العطش لكن تضمد جرحها الدامي ..

أنا مهما عطشت القى بصحرا عزتي غدران ..
وأنا مهما ظميت ارفض غديرك يسقي عظامي ..
أفضّل بالعطش موت يعذب داخلك انسان ..
أفضّل بالظما عمرٍ يجمّل باقي ايامي ..

أغنية العطش خالد عبدالرحمن