يا بو ناصر

يا بو ناصر واعذاب العين من شي تشوفه
كل ما شافت لها زول عجيب ولعتني
ولعتني في صغير السن ما هي بمعسوفه
ويش أسوي يا بو ناصر عيني اللي غربلتني
ولعتني في غزال ما حلا قصه زلوفه
يوم شفته يا بو ناصر في مكاني حيرتني
لو تشوفه يا بو ناصر ما تعداه وتطوفه
جان تشكي مثل ما شكي من عيون صوبتني
ليت ما شفته ولا قلبي غدت فيه الحسوفه
قبل أشوفه مستريح يوم شفته دودهتني
يوم قفا جن عيني من سبايبه مخطوفه
تزعج العبرات عيني في منامي كدرتني