يا ملاك الروح

يا ملاك الروح لا لا ما يصير
خل نور الجيد ينعشني ضياه
لا تمد إيديك للشعر الحرير
هز راسك وارفعه يرجع وراه
الشعر وده علي العاتق يطير
مثل شرطان الذهب واهج سناه
خل شلاله يداعبه العبير
ناعم النسمه تطيعه وتعصاه
يفضح الأسرار مختال النظير
و رمشك الفتان يجرح كبرياه
بس من تعذيب مجروح الضمير
يكفي إنه بالهوي تاهت خطاه
فيك أنا أبحث حبيبي عن مصير
واسعد العشاق من حصل هواه
تاهت الأمال سيرها و تسير
الله الله من خذا حب ٍّ عطاه