يا وجودي

يا وجودي علي اللي غاب ماله عوايد
غيبته عن عيون اللي يحبه غريبه
زاد همي و هو قاسي بفرقاه زايد
زاد لوعات قلبي كل يوم يغيبه
قالوا اصبر و قلت الصبر ماهو بفايد
مابقي صبر عندي يالله إنك تجيبه
كيف ابصبر و قلبي فيه مثل الوقايد
تشتعل لا ذكرت اللي فراقه مصيبه
اتمني رضاه و مرضي الناس جايد
بس وش حيله اللي علته من طبيبه
جاني خلي يتنكر لي بوقت الشدايد
يقطع الياس مني بالرخي و الشبيبه
يا وجودي علي اللي غاب ماله عوايد
غيبته عن عيون اللي يحبه غريبه