يخون الود

كثير اللي يخون الود ويعني لو تخونيني
انا ادري وش ضيعت شعوري وطيب نياتي
لعبتيها معايا صح عرفتي كيف تنهيني
عرفتي للأسف وإشلون ابدأ في نهاياتي
تعالي وإحسبي وياي بكم مره جرحتيني
وربي ماعرفت ارتاح ويني ووين راحاتي
اذا به جرح ناسيته جديد ولا هديتيني
وفيتي وحيل كفيتي تفننتي بصدماتي
تبين اضحك علي نفسي واقول انك وحشتيني
صحيت وصار من حقي اراجع في حساباتي
وعمري قلت ياروحي غصب او طيب حبيني
ترا ماهي بالقوه احققها طموحاتي
انا ادري لوين الأيام والطيبه توديني
علي الله تضحك الدنيا تصدق بعض هقواتي
خسرت وهذي الدنيا ويعني لو تخونيني
اجل بعدين كيف اربح لو ماحسب خساراتي
كبيره حيل في حقي طفله ولعبت فيني
ولكن وش نقص او زاد غلطه في ملفاتي