وحدالله بعدها ياموحد

وحد الله وحد ..
وحدالله بعدها ياموحد ..
وارفع يدينك سما ..
وادعي للي في سما ..
ارض الجزيره سما ..
واذكر امجاده وعدد ..
ومن هو اللي ..
يحصي امجاد الموحد ..
عبدالعزيز عبدالعزيز ..
نبتدي من وين يالساس العزيز ..
بالحسب والأ النسب ..
والأ يافخر العرب ..
عبدالعزيز عبدالعزيز ..
نبتدي من وين يالساس العزيز ..
بالكرم والأ اشيم ..
والأ ياراعي الهمم ..
عن تاريخ لو تركته مانكتب ..
والأ ياصقر الجزيره ..
عن ملاحم عطرت ها الكون سيره ..
الله الله يابلدنا الله الله ..
انتي عزوتنا وسعدنا الله الله ..
يرحم الله من بناها ..
ويحفظ الله من رعاها ..
يامتعب الخيل وارهاف الهنادي ..
يامعدل الميل باسنان الرماح ..
لا تكيد ولا تميل ولا تعادي ..
كلمه التوحيد والهمه سلاح ..
ياصباح الخير ومحياك بادي ..
ياصباح الخير ياذاك الصباح ..
من جمع شملنا حضر وبوادي ..
في الثناء والمدح في حقه مضاح ..
ما حدن عن سيره التوحيد غادي ..
هذا نور في سماه الشرق لاح ..
سيوف وارماح لها دروع ورجال ..
وقلوب ما تعرف سوى كلمه الحق ..
ما بينهم جيش ورجلي وخيال ..
مثل الصباح الي ظهر نوره وشق ..
وردوا عليه وبينت بيض الأفعال ..
يانجد عزك تو ما بان واشرق ..
صبح الرياض الي غدى عج وقتال ..
تقدمت خيل وخيل بتلحق ..
يوم ان ابوتركي شهر سيفه وصال ..
سارت به الركبان بالعلم الأوثق ..
عبدالعزيز وقالها نعم لا قال ..
انا اشهد انه لا ثنى العلم يصدق ..
قصه بطل صارت مضارب للامثال ..
لو انها عن باقي الأمثال تفرق ..
يوم انتخى عن سيوف الأقبال ..
والموت رجفه بين الأضلاع يسرق ..
وابتدى التاريخ ..
يكتب على رمال الجزيره ..
القلم سيف ..
والأماني كبيره ..
من فوق صهوات الجياد ..
ترسم حوافرها على الرمضاء ..
وقع الخطى لحظه الميلاد ..
وقف الزمن وامضا ..
وابتدى التاريخ ..
هلا هلا به ياهلا ..
جينا له واعلنا الولي ..
حول عليها بجنوده ..
فارس ما يخطي باروده ..
وارض الجزيره وحدها ..
زال الجهاله واسعدها ..
حررها من كل اعداها ..
والرايه الخضراء علاها ..
فارس والفرسان جدوده ..
وارضه حاميها وحدوده ..
عبدالعزيز الي حما الدار بالسيف ..
لين اذعنت بالشرع له واستقلت ..
من عهده العدوان صاروا مواليف ..
والخير عم وساعه الشر ولت ..
لين اصبحت ما تنوصف بالتواصيف ..
لبست حرير وبالجواهر تحلت ..
الحضر صاروا من قرايب هل الريف ..
والناس صدقان البعض وين حلت ..
طيبه بها الزائر تقل ضيف ..
ومكه بها الحجاج طافت وصلت ..
واسم السعودي فوق عالي المشاريف ..
وارض الجزيره شمس عز تجلت ..
ايه ايه ايه ايه يالسعودي ..
واجمعتنا من شتات واهتنيننا في المبات ..
وابتدى المجد العظيم وانقرى كتاب عظيم ..
وصار معنى للحياه وامتلى المسجد صلاه ..
وابتدى عصر جديد والشقي اصبح سعيد ..
وصارت العيشه هنيه وصار راعي للرعيه ..
وانسى ذاك الزمان واصبحت امن وامان ..
التقت كل القلوب من الشمال الي الجنوب ..
هيلي يالله ..
من بحرها الشرقي للساحل الي بالغروب ..
هيلي يالله ..
شعب واحد عقب ماكانت شعوب ..
صرنا نتهادى الورود وكلنا طيبه وجود ..
نجتمع بالدين اخوه نلتقي في كل نخوه ..
هيلي يالله ..
بالشهامه والمروه اجمتعنا وصرنا قوه ..
ما يفرقنا احد وربنا الله الأحد ..
وهيلي يالله ..
اتحدنا اتحدنا ..
كلنا لنهضه بلدنا ..
صرنا مع ركب الحضاره ..
نحمد الله نحمد الله ..
التعب ماهو خساره ..
وانبنت طوبه وطوبه ..
وكلها اسنين محسوبه ..
ومملكتنا بالصداره ..
نحمد الله نحمد الله ..
التعب ماهو خساره ..
مجدنا فخر العروبه ..
وعزنا هبت هبوبه ..
وزعنا نجني ثماره ..
نحمد الله نحمد الله ..
التعب ماهو خساره ..
اسمها طاف الوجود ..
وكل هالعالم شهود ..
وصرحنا عالي مناره ..
نحمد الله نحمد الله ..
التعب ماهو خساره ..
الله الله يابلدنا 00 الله الله ..
انتي عزوتنا وسعدنا 00 الله الله ..
يرحم الله من بناها ..
ويحفظ الله من رعاها ..
البست الخضار عقب ماكانت قفار ..
والتطور صار باين بالقرى ويا المداين ..
يحفظك ياموطني ..
حيها بالنور حي وعن لهيب الشمس في ..
والبحر اصبح زلال تحقق الحلم المحال ..
يحفظك باموطني ..
السهل كله مزارع وبالجبل شقت شوارع ..
والزهر ارسل عبيره قال انا من ارض الجزيره ..
يحفظك ياموطني ..
من مدينه لمدينه الطريق موصلينه ..
ليلها مثل النهار وقائم فيها العمار ..
يحفظك ياموطني ..
كلنا اهل الجزيره من كبير ومن صغير ..
ولا نبدلها بديره وحبها حب كبير ..
كلنا مكه وطيبه حبنا يارض الرسول ..
نترجي علام غيبه بالدعاء منه القبول ..
كلنا اهل الرياض وكلنا ربوع لعسير ..
ماحلا ذيك الفياض لالتقى غصن وعبير ..
كلنا اهل الشمال ربعنا عرعر وجوف ..
بالكرم نجر ودلال لا لفوا جمع الضيوف ..
وكلنا بريده وحائل بالمحبه والولاء ..
الوفاء واهل الجمائل يابعد حيي هلا ..
كلنا نخيل الحسا وشطنا الشرقي الجميل ..
يسعد الله هالمسا يالسواحل والنخيل ..
واسعدي يارض الأمان ..
دامك انتي بظلنا ..
ما يغيرنا الزمان ..
وغير حبك من لنا ..
وكلمه وحده 00 انتي وحده ..
ولك غلانا كلنا ..
الله الله ياوطنا ما حلا جمع القلوب ..
نجمه فينا تغنى وغيمه تضحك طروب ..
مثل ما كنا نتمنى ذكرنا عطر الهبوب ..
وان حكى التاريخ والنعم كل يقول ..
مرحبا يامرحبا طاري الطيب يطول ..
مملكتنا لها مقدار صيتها يلفت الأنظار ..
ارضها ضمت القبله والله ما مثلها بلادي ..
لافي الأول ولا تالي الفهد مجد بسطوره ..
شمسنا لا طلع نوره نحتمي كلنا بضله ..
والله ما مثل ابوفيصل يحفظه ربنا العالي ..
الشعر بحره ما يتعب لا ترنم بابو متعب ..
زاهي بالشعر كله والله ما مثل ابو متعب ..
يحفظه ربنا العالي كفك الجود ياسلطان ..
وافي وللكرم عنوان تعقد الراي وتحله ..
والله ما مثل ابوخالد يحفظه ربنا العالي ..
الله الله يابلدنا الله الله ..
انتي عزوتنا وسعدنا الله الله ..
يرحم الله من بناها ..
ويحفظ الله من رعاها ..
انت ذرانا لا هبت هبايبها ..
وانا اشهد الفهد بقلوبنا غالي ..
وتشهد له الدار عدت مناسبها ..
ياخادم البيت ياسور لنا عالي ..
انت ذرانا الي هبت هبايبها ..
وانت ربيع الجزيره غيث همالي ..
وليث الي منها شبت حرايبها ..
عبدالله السيف لامن الدهر مالي ..
سم العداء وان تناجت في طلايبها ..
والي ذكرنا السخا مع زين الأفعالي ..
سلطان راعي عطايا ما يحسبها ..
انجلى ليل دامس شق نور وشفناه ..
حامي الدين حارس والفهد لاعدمناه ..
ياحديث المجالس كل ديره تناجاه ..
جامعات ومدارس والمصانع مبناه ..
كل شبر ببلدنا للتطور مجالي ..
شيخنا مع ولدنا نبني الصرح عالي ..
ديرتي ماتغيب الشمس عنها ..
ومن سكنها مايبي الأ ثراها ..
ومن شرب من عذب ماها ..
لازم يجيبه غلاها ..
يالنخيل الي ثمرها قلوبنا ..
من يقول المحبه عيوبنا ..
يالجبال السمر تشبهين اوصافنا ..
ياسما يارض حدثي اسلافنا ..
قولي انه كل مجد شافنا ..
وقولي انه كل عز شافنا ..
ديرتي ماتغيب الشمس عنها ..
وانثري عطرك على الكون الفسيح ..
يالخزامى تعشقك مليون ريح ..
وحنا والله نعشقك ..
وانتي حنا وحنا انتي ..
ديرتي ماتغيب الشمس عنها ..
التقينا على حب وموده واجتمع شملنا والفرح تم ..
عقب ماكانت الأيام شده الرخاء بارضنا والخير عم ..
شرعنا من كتاب نستمده سنه الحق ماهي بالوهم ..
عدلنا كلها الدنيا تعده ما حدن بيننا يوم انظلم ..
سيفنا صار منه العدل حده شعب واحد وتجمعه القيم ..
شيخنا ياعريب الساس جده لا دعى كلنا قلنا نعم ..
نحمد الله على جوده ومده صرنا امه وتعرفنا الأمم ..
صرنا شعب يدير امره بيده امر شورى ورفرف ياعلم ..
يابلد يلي ترفعين الراس ..
والسعودي يفتخر بأسمك بعد ..
في ترابك صفوه الناس ..
الحرم والبيت قبله من قصد