لا شاري عقد ولا مهدي سوار

لاشاري عقد ولا مهدي سوار ..
لا تلحقي نفسك هموم وحسايف ..
تريثي يا قره العين مقدار ..
ما تشرب عروق القصيد الوصايف ..
لامن قدحت الشعر شبيت لك نار ..
نار على رووس الهضاب النوايف ..
يطرب لها الساري ويسري بها الطار ..
تزهر بها عقب المحول الشفايف ..
قصيده تولد ورا باب وجدار ..
سر الضلوع المرهفات النحايف ..
بهديك انا عمر ولا كل الاعمار ..
يفنى القلم قبله وتفنى الصحايف ..
غيبي وشيبي واتركي كل ما صار ..
يبقى جمالك في قصيدي طرايف ..
خل الكواكب من سنا نورك تغار ..
ولا تلحقي نفسك هموم وحسايف ..
عقد وسوار