الفنان

كلمات الجرح ما هو خاطر شوي ويروق حزن النبلاء

الجرح ما هو خاطر شوي ويروق
الجرح حتى لو تشافى يعلمك
و إذاك متحمس متاهات وطروق
أنا تعبت أشد حيلي وأحاولك
سماي ما شي شمس ورعود وبروق
والريح ما هبت ولا يجري الفلك
والقلب ناشف بحر وشقوقه شقوق
وشلون بيكون سحاب ويبللك
يا ضامي أنا أضمى ومتشبع حروق
وإذاك ضامي للمواصل أنا هلْك
هلك ووقف في وجهي الأصل والذوق
والمجتمع والعرف والفقر وأهلك
متعومس وحزن النبلاء مرموق
يعني لو أحتاج لك ما جيتك أسألك
اللي علي أشكي وأعاتبك برفوق
وأقولك ودي ما عاد أتأملك
من دورة الأيام ياخوك مخنوق
الوقت مشاني من السلك للسلك
أزل خطوة بس مازل منطوق
ولو صارت أبحب خشمك وأجاملك
يبقى البني آدم مجرد ومخلوق
ملك ولكن في الحقيقة بلا ملك
والناس عوق الناس والدرب مسبوق
تتعب على أشياء في الأخر ماهي بْلك
كذاب قايل كل مطرود ملحوق
سنين وأنا أطردك وأزريت لا أوصلك
كنك تطيش وكني أدور في طوق
كل ما وصلت آخرك يطلع لي أولك
يا ليت ما في خاطري شوق وفروق
ما كان حسيت إن أنا بس منك إلْك
الشوق ماهو رعشة وقبضة عروق
وماهو اللي من شينك في عينك يجملك
ماهو شعور يخالج الروح برفوق
وماهو سحر ولا أدري والله شقول إلْك
كنه سحابة حلم وتطير بك فوق
وتطير ولا ودك إنها تنزلك
الشوق هذا ولا أنا شوقي البوق
ماقد حصل في شوق هذي ولا تلك

تدري وإيش اسوي إذا اضناني الشوق؟
أسوي بعيوني كذا وأتخيلك

وأقربك وأتوق وأتوق وأتوق
وأكثرك و أحلف ما عاد أقللك
وأصورك في الموق وتكبر على الموق
وتطيح مع دمعي على أيدي وأقبلك
هذا غلاي اللي مع الدم مدقوق
ولا عاد تسأل عن شعوري بزعلك
محبةٍ ماهيب من طارف السوق
لو إنْك توكل كان والله لآكلْك
جيتك حقوق ورحت ما عندي حقوق
وإن قلت ما حبك أبجحد مواصلك
أحبك إلا يا بري حالي وعوق
من كثر ما أحبك أخاف إني أقتلك

تقييم الكلمات: 
المتوسط: 1.0 (8 صوت)

كلمات الجرح ما هو خاطر شوي ويروق الجرح حتى لو تشافى يعلمك و اذاك متحمس متاهات وطروق انا تعبت اشد حيلي واحاولك سماي ما شي شمس ورعود وبروق والريح ما هبت ولا يجري الفلك والقلب ناشف بحر وشقوقه شقوق وشلون بيكون سحاب ويبللك يا ضامي انا اضمى ومتشبع حروق واذاك ضامي للمواصل انا هلك هلك ووقف في وجهي الاصل والذوق والمجتمع والعرف والفقر واهلك متعومس وحزن النبلاء مرموق يعني لو احتاج لك ما جيتك اسالك اللي علي اشكي واعاتبك برفوق واقولك ودي ما عاد اتاملك من دورت الايام ياخوك مخنوق الوقت مشاني من السلك للسلك ازل خطوت بس مازل منطوق ولو صارت ابحب خشمك واجاملك يبقى البني آدم مجرد ومخلوق ملك ولكن فالحقيقت بلا ملك والناس عوق الناس والدرب مسبوق تتعب على اشياء فالاخر ماهي بلك كذاب قايل كل مطرود ملحوق سنين وانا اطردك وازريت لا اوصلك كنك تطيش وكني ادور في طوق كل ما وصلت آخرك يطلع لي اولك يا ليت ما في خاطري شوق وفروق ما كان حسيت ان انا بس منك الك الشوق ماهو رعشت وقبضت عروق وماهو اللي من شينك في عينك يجملك ماهو شعور يخالج الروح برفوق وماهو سحر ولا ادري والله شقول الك كنه سحابت حلم وتطير بك فوق وتطير ولا ودك انها تنزلك الشوق هذا ولا انا شوقي البوق ماقد حصل في شوق هذي ولا تلك تدري وايش اسوي اذا اضناني الشوق اسوي بعيوني كذا واتخيلك واقربك واتوق واتوق واتوق واكثرك و احلف ما عاد اقللك واصورك فالموق وتكبر على الموق وتطيح مع دمعي على ايدي واقبلك هذا غلاي اللي مع الدم مدقوق ولا عاد تسال عن شعوري بزعلك محبت ماهيب من طارف السوق لو انك توكل كان والله لآكلك جيتك حقوق ورحت ما عندي حقوق وان قلت ما حبك ابجحد مواصلك احبك الا يا بري حالي وعوق من كثر ما احبك اخاف اني اقتلك

موقع كلمات لايقدم ملفات صوتية ولا ملفات mp3 للتحميل، فقط يقوم بعرض الكلمات مكتوبه بطريقة صحيحة وسليمة.