مرت على بالي (حبيبتي)

حبيبتي مرّت علي بالي اليوم
وقفت تقديرٍ لها يوم مرّت
جابت لي الفرحه وأنا كنت مهموم
الظاهر انها عن علومي تحرّت ..
وفراقها كوّن في خفّاقي غيوم
أمطارها علي الفيافي لومرّت
تنبت من الأزهار ماكان معدوم
وتسرّ نفسٍ من زمن ما استسرّت ..
في حبّها حسادي تكثر اللّوم
وهي ورا عوج الضلوع استقرّت
أحلم بها واطيح في النوم واقوم
فرحان لكن فرحتي ما استمرّت ..
إلَي صحيت أعاتب الحظ وألوم
الأيام والأيام منها تبرّت
الهجر طعنه خاين بسيف مسموم
نفسه علي فعل الخيانه تضرّت ..
ومن يحرم من العشق يعيش محروم
كم روح من قلّ الوصال استضرّت
لاجيت أنام النفس ماتعشق النوم
حاولت أقنعها لكنها أصرّت ..
تبغي حبيبه قلبي الغاليه دوم
تمرّ في بالي و أوقف لامرّت
حبيبتي مرّت علي بالي اليوم
وقفت تقديرٍ لها يوم مرّت ..