انتهينا

لحظه لحظه من عطاك الحق تنساني وتروح
وتنهي احلامي معاك وكل عمري واللي عشته من سنين
وحده وحده خلني استوعب كلامك والجروح
إنته فاهم شنهو يعني انتهينا بكلمتيـــــن
بكل سهوله انتهينا كلمه قالتها وراحت
وانا ماني قادر أفهم شنهو يعني انتهينا
يعني ماعدنا حبايب وانهدم كل شي فينا
المحبه والأماني والسنين الي قضينا
ليش ماقلتيلي بالأول تري هالرحله قصيـره
ومهما طال البعد فينا اعتبرنا مابتدينـا
اه لو قلتي بالأول قبل لاتغرق تعـلم
المحبه بحر لكن بحرها من غير مينا
شلون مامرت في بالي لحظه الفرقه حبيبي
وانك انت مثل غيرك والقدر ماهو بدينـا
ليت يا اجمل واغلي من عرفته في حياتي
ماعرفنا هالمحبـه ولا اصلاً ما إلتقينـــا