البشارة

البشاره عيونك بشرتني بوصال ..
خفت منّي عليّ إنّي أصير الحسد ..
كيف ما أوصلك قبلي لين قلتي تعال ..
ثم أوصلك بعدي كلّي قبل و بعد ..
فيك واقع تحدى كل حسن الخيال ..
وبك خيال ولا عمره طرا في بال أحد ..
وبك سلام يرسّخ فكرة الإحتلال ..
وبك سنابل خذت من كل ريحي وعد ..
إنتي كنك سؤال قبل يصبح سؤال ..
إنتي كنك عدد ما نوصله بالعدد ..
إنتي الصعب كله في كفوف المنال ..
إنتي مافيه مثلك لا أبد ولا أبد ..
إقبلي خلّي ظلينا تلاقى في ظلال ..
إنزعي كل روحي وإلبسيني جسد ..
كنّي الحاكم اللي ما يجي له عيال ..
وغافلته الليالي وبشرته بولد ..