الشمس غابت وكل دور سراجه

الشمس غابت وكل دور سراجه ..
والشوق جمر محر الشوق لاجمر ..
دام اتجاهك شمال مودعك حاجه ..
سلّم على حايل وسلم على شمر ..
قدامك الخافق اللي ينشد علاجه ..
كنه معلق على برزان ومسمر ..
وانت تعرف يا بعد حيي من تواجه ..
بيضان الافعال لامن الزمن سمر ..
ان ضاقوا اعنف من البحر وامواجه ..
وان راقو اركد من الخرمان لا عمر ..
كم صيت بيت عتق في الباب مزالجه ..
وكم شيخ اماره قبل تعيينه مومر ..
وكم حاتمي تكفي فله احجاجه ..
وش لون للضيف لو عن ساعده شمر ..
وان مر تاريخهم متلبس تاجه ..
كم عاشق كيف وكم حاسد  زمر ..
في جو اغلى على الرجلي الى داجه ..
من ديره السادس ومن ديره معمر ..
كنه الا اهدى له البراق فجاجه ..
خلت غرير ضحك ومن الخجل حمر ..
توارثو حرثه وتمتير ديباجه ..
ركابه الجيب من ركابه الضمر ..
الود لا غرس بدري صعب مخراجه ..
والله ولا الذ واحلى منه لا ثمر ..
ادخل على اللي تطوف البيت حجاجه ..
من ناقص عند مدح الغير يتذمر ..
والمدح لو كان في الرديان للصاجه ..
ويقال عمر بلد بالعون ما عمر ..
والذم لو زاد في الطيب تولاجه ..
لا احرق ولا اغرق ولا عمر ولا  دمر ..
ماني بمتحسب بشعري على حاجه ..
الا اني اروح ما غنيت في شمر ..
الشمس غابت وكل دور سراجه ..
والشوق جمر محر الشوق لاجمر ..
دام اتجاهك شمال مودعك حاجه ..
سلم على حايل وسلم علي شمر ..