الفاتنة اللي على قلبي تمون هي صباح الخير ولا الخير هي

الفاتنة اللي على قلبي تمون ..
هي صباح الخير ولا الخير هي ..
ناظرتني وسلهمت بذيك العيون ..
الغزل والشوق واسرار الحكي ..

الفاتنة اللي على الدنيا مشت ..
كن ما به مثلها احدن مشى ..
الكلام العذب لا منها حكت ..
من حلاته فز قلبي وإنتشا ..

من خلقها الله وهي كل الوجود ..
وهي ملامح دنيتي وأغلا البشر ..
الخلايق في محبتها شهود ..
تسوى قلبي ودنيتي وكل النظر ..

يا مساء هالليل يا عطر ودخون ..
يا غرام الحب يا أحلى العمر ..
يا عبير الورد يا غيم ومزون ..
يا أصدق أبيات القوافي والشعر ..

عشتك أجمل حب ياعمري أنا ..
ياعساها ماتفرقنا السنين ..
نبقى طول العمر ويبقى حبنا ..
شوق وإحساس المشاعر والحنين ..