خذ شور عاقل ثم تعوذ من ابليس وش اللي جاب من اليمن عرش بلقيس

خذ شور عاقل ثم تعوّذ من إبليس ..
بعض النصايح ماتقدّر بالأثمان ..
وش اللي جاب من اليمن عرش بلقيس ..
لو مالفى بالعلم هدهد سليمان ..

ترى الزعل والحزن وكثر الوساويس ..
تضعف نياط القلب وتصكّ شريان ..
ماقول لك لاتحب حب بمقاييس ..
عالقد ولاتبالغ بزودٍ ونقصان ..
الاهتمام .. الحب .. وبعض الأحاسيس ..
أشياء تعطى ماهي تفرض على إنسان ..
وإن سمت قلبك واعتلته الطواويس ..
لاتلوم إلاّ نفسك أنت اللي غلطان ..

الحب موقف ماهو هرجٍ وتدليس ..
وإن جت على التسويف كلٍ له لسان ..
إبني على الأفعال وأسسها تأسيس ..
ولا تتبع المقفين وتصيح ندمان ..
شف قبلنا في ليلى يوم انهبل قيس ..
العشق لاتساوى تخلّده الأزمان ..
واللي يحب خاين على هالمثل قيس ..
شايل كفنه ويرجو عفوٍ وغفران ..