من زود يا عز المصلين في زود

يا قبلة الاسلام والعز والجود ..
يا أطهر وطن في الكون يا تاج الأوطان ..
من زود يا عز المصلين في زود ..
من عهد أبوتركي إلى عهد سلمان ..
للمجد حد ومجدنا ماله حدود ..
داري مع اللي شانها عالي الشان ..
كلي فخر في ديرة العز مولود ..
يغيب لاغابت وإذا بيّنت بان ..

ياللي رياضك خير ورجالك فهود ..
ما تنجبين إلا نشاما وفرسان ..
نسايمك عنبر وريحك دهن عود ..
رملك ذهب وجبالك السود مرجان ..
ما دام سيف الحق سلمان موجود ..
ما هم بخير اللي يصيرون عدوان ..
يا كثر ماقال ابشروا وارقوا سنود ..
انا أشهد أن راسه من الطيب مليان ..

الخير كافي المملكة دوم ممدود ..
ما تجزي الإحسان إلا بالاحسان ..
من حقها عن غيرها تشعر بزود ..
دار الرسالة والنبوة والإيمان ..

يا قبلة الإسلام والعز والجود ..
يا اطهر وطن في الكون ياتاج الاوطان ..
من زود يا عز المصلين في زود ..
من عهد ابو تركي الي عهد سلمان ..