عزاه يا قلب

عزّاه يا قلبٍ شفوقٍ ومشتاق ... متولّعٍ في حبّ زين الوصايف
عليه قلبي دايم الدوم خفّاق ... وينوح له في كل عالي ونايف
خلّي عليه امن التّواصيف ما فاق ... ومن الغزال اللّي يربّ الجفايف
عين العديم اللّي علي الكفّ توّاق ... نادر وصقاره عطاه الخفايف
أنا الصّويب اللّي بي اجروح اوثاق ... وقلبي يعرّض له حديد الرّهايف
يا ونّتي يسمع صداها بالأفاق ... في مهجهٍ لي وتّرضف حسايف
خلّ صديق لي وللقلب سرّاق ... امعزّل الجثمان والخصر هايف
اموّرد الخدّين دقّه علي باق ... عليه شفت أمن العلامه وصايف
والنّور من خدّه كما شمس لاشراق ... ياضي شعاعه تحت شيل الرّهايف
عليه اجاوب ناوح الورق لقّاق ... اللّي ينوح ابعاليات الشّرايف
خلٍّ احبّه من خفيّات لعماق ... واحب ذكر اسمه الي مرّ طايف
وانا عنيتك خص من زد لاصداق ... يا بن خليفه مسند الضّيف ضايف