امي غرام اول نفس

امي غرام اول نفس ..
وآخر نفس في دنيتي ..
احتاجها حاجة جسد ..
للروح وايام العمر ..
ودي أموت بحضنها ..
وأشم فيها جنتي ..
لكن خايف دمعها ..
بأسباب موتي ينهمر ..
تصبر على حزني ..
وتمسح من عيوني دمعتي ..
وإذا حزنت ..
ماودها يوصل لقلبي خبر ..
من صبرها حتى الصبر ..
خايف يلامس مهجتي ..
وتخاف يجرحني الشعور المر ..
من كثر الصبر ..

أمي ينام الليل في جفني ..
وتغفي مقلتي ..
واجفانها تهفهف علي ..
وتشعل أنوار السهر ..
مهما أحاول وصفها ..
تمحي شفاهي كلمتي ..
لا الحرف يكفيها ولا ..
كل القصايد والصور ..