واقفه بيني و قلبي لا سبب و لا غرض

واقفه بيني و قلبي لا سبب و لا غرض ..
تتعبي قلبي بغرامك و ما خبرته أعترض ..
لي بغيت أنساك قلبي غصب عني يتذكر ..
ولو غلطتي فيني مره عنك قلبي يتعذر ..
أكرهك و في عز كرهي أحس إني أحبك أكثر ..
ما أدري حالي ذا طبيعي و إلا حالي ذا مرض ..
الغريبه أن قلبي يبعني ويجيك عنوه ..
و الغريبه أن طبعك فيه رقه وفيه قسوه ..
و الغريبه أني جنبك ألقا في الحرمان نشوه ..
و لو ألوم قلبي في غرامك عليّ قلبي يتنكر ..
أكرهك و في عز كرهي أحس إني أحبك أكثر ..
ما أدري حالي ذا طبيعي و إلا حالي ذا مرض ..
الحقيقه أنا في حيره مع قلبي و معك ..
و الحقيقه لا قدر أوصلك و لا قدر أمنعك ..
و الحقيقه قلبي يعصاني و أنتي يطاوعك ..
و لو بغيت أبعد بقلبي أخاف قلبي  يتأثر ..
أكرهك و في عز كرهي أحس إني أحبك أكثر ..
ما أدري حالي ذا طبيعي و إلا حالي ذا مرض